Assorted ಕವನಗಳು

ಅಮ್ಮಾ

ಹೆಂಡತಿ ಬಸಿರಾದಾಗ

ಬಸಿರಿಳಿದು, ಬಳವಳಿದು, ಮಗು ಹೆತ್ತಾಗ

ನೋವುಂಡು, ನಲಿವು ಹಂಚಿದಾಗ

ಮಗು ಅತ್ತಾಗ, ನಕ್ಕಾಗ, ತನ್ನ ಜೀವ ಎಂದಾಗ

ಉಚ್ಚೆಕಕ್ಕವ ನಗುನಗುತಾ ಬಳಿದಾಗ

ನೆನಪಾದವಳು....ಅಮ್ಮಾ

******************************************************************************

ನಿನ್ನೆ ನಾಳೆಗಳ ನಡುವೆ

ನಿನ್ನೆ ಸುಖವಿತ್ತೆಂದು ಹಲಬುವುದೇಕೆ 

ನಾಳೆ ಸುಖವಿರದೆಂದು ಚಿಂತಿಸಲೇಕೆ

ನಿನ್ನೆ ನಾಳೆಯನು, ಇಂದು ಬೆರೆಸಲೇಕೆ

ಈ ದಿನವು ನಗುತಿರಲು, ಈ ಕ್ಷಣದ ಜೊತೆಗಿರಲು, 

ಬಾಳು ಹಸನು ಸಂಶಯವೇಕೆ 

(ಸ್ಫೂರ್ತಿ : ಹಿರೇಮಗಳೂರು ಕಣ್ಣನ್)